頒獎播錯智利國歌
求驗客手記:劉翔京奧奪金吉兆? - 求驗客

蘋果日報 2008/03/11 00:00


中國「欄王」劉翔上個禮拜六喺西班牙舉行嘅世界室內田徑錦標賽贏咗60米欄金牌,成為「3冠王」認真威威,但好衰唔衰頒獎嗰陣賽會竟然鬼死咁蝦碌,話說企上頒獎台等掛上金牌時,會場竟然奏起智利國歌而唔係偉大祖國首《義勇軍進行曲》喎!搞到「劉欄王」企喺到哭笑不得。終於擾攘咗十幾分鐘,劉翔又再一次企上頒獎台領取金牌,我求大俠覺佢可以喺一場賽事兩度企上最高一級,咪當係佢今年北京奧運奪金嘅先兆囉!