名模Amanda S.與Rosemary昨日在中環出席鞋履品牌Roger Vivier活動，Amanda S.表示夫婿欣賞她的雙腿，最愛她穿露趾鞋：「意大利人鍾意露趾，覺得好性感、優雅，佢鍾意見我腳背同腳趾，睇電視時鍾意掂腳趾，出街食飯坐我對面都會喺枱底摸我隻腳。」問她會否反摸老公？她說：「我手冇咁長。」她謂計劃9月去旅行：「9月11日係結婚兩周年，等佢畀驚喜我，我就畀好多愛佢，整蛋糕好多年，初初佢做白老鼠，再整唔知有冇用。」問她會以性感打扮送驚喜？她說：「我有！喺屋企會着tee同短褲整嘢食。」
Rosemary謂搬屋時掉了50對鞋，拍拖三年的男友因一半是中國人關係而沒送鞋。Rosemary透露11月初到尼泊爾參加88公里高山跑步：「兩、三年前與Jocelyn夫婦去非洲最高峯Kilimanjaro冇事，唔怕高山反應。」
採訪：林嘉慈
攝影：陳志嵐