現年39歲嘅韓國女星李寶英日前完成咗新劇《Mother》嘅拍攝工作，而劇集播畢後佢亦抽空接受傳媒訪問。

李寶英對於劇集播畢表示希望劇集能打動所有人，同時大讚劇中飾演女兒嘅許律係佢演員生涯中遇到最好嘅拍檔。喺劇中李寶英飾演母親，得知許律被生母虐待，決心帶許律離開。而本身李寶英大前年為老公池晟誕下愛女，問到生完B後有冇患上產後抑鬱症時，李寶英就話：「受到荷爾蒙嘅影響，有時見到囡囡都會一直流眼淚，睇紀錄片又喊唔停，連老公都叫我唔好睇。」

而近日韓國演藝圈掀起「#MeToo」風暴，李寶英亦表示積極支持，又指無法何時都應該要出現，又話：「如果喺四至五年前就有呢個運動，肯定會引起好多人共鳴。呢啲問題唔係只係娛樂圈嘅問題，亦係一個人對另一個人嘅尊重。」李寶英直言聽到好多人話呢啲情況只喺娛樂圈身上發生而大感難過，李寶英強調唔係所有男人都會做出性騷擾行為，因為佢身邊就有人會叫大家提防所有男人，佢覺得有好多男人都係好人。

更多韓流，喺晒《娛果》
http://fb.com/appledailyent