日本歌手倉木麻衣入行17年，34歲嘅佢相隔兩年半再開巡唱，噚日假其出生地千葉縣開騷，假成田國際文化會館以歌會友。

近年倉木麻衣跟長青動畫《名偵探柯南》結下不解緣，先後唱出多首電視及電影主題曲，繼收錄在上月大碟《Smile》內嘅《YESTERDAY LOVE》後，下月上架單曲《渡月橋》都係《柯南》嘅最新電影之主題曲。噚晚個唱尾聲，倉木麻衣介紹特別嘉賓柯南出場，更於台上即場自拍。