巴西球星尼馬雖然養緊傷，但精彩生活浪接浪，最近撐住拐杖都要去女友布魯娜家姐嘅生日會，仲現場單腳跳舞。

這位巴黎聖日耳門前鋒一向鍾意玩樂，有Party點會唔預佢，同布魯娜周一一齊現身聖保羅一間夜店，即使撐住拐杖、右腳仲著緊保護鞋，但精神唔錯，而女友穿上一件透視連身背心裙，亦索爆全場。

不過，最爆係尼馬喺舞會中，就算跛腳都忍唔住要露兩手，竟然只用健康嘅左腳嚟撐住，然後喺度扭下扭下咁跳，姿勢係好老土，但最緊要搞到全場氣氛高漲就得。不過，巴黎聖日耳門同巴西國家隊就應該好擔心，幾驚尼馬一個唔小心跳出事，又要再唞耐啲。

尼馬兩周前做完手術，康復進展唔算差，但據講都要起碼等到四月中先可以正式復出。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1