【大方面對】人到中年冇得避 江華都有脫髮危機
中年危機江華微博脫髮
今年55歲嘅江華,參加過新秀,但係相信大家最有印象嘅都係佢喺電視劇當中嘅表現,項羽、唐三藏、雍正等等經典角色一大籮,因為同華仔有幾分相似仲被人話係「翻版劉德華」。
自從04年嘅《楚漢驕雄》之後,江華有好長一段時間都冇喺香港電視上出現,轉戰大陸一排之後,江華喺12年再次出現喺香港觀眾眼前,不過13年之後江華就冇乜點再拍劇集,反而去咗做保險經紀。(新聞連結: https://bit.ly/2lmBHgT )
外形英武嘅佢喺飾演將軍俠客等角色時都特別傳神,而戲外嘅佢一向瀟灑姿整,近年見佢成日戴帽,原來人到中年嘅佢都少不必要面對中年危機,就係脫髮喇。
今日江華喺微博上載咗一張自拍照,相中嘅佢身穿白色背心戴住口罩,不過重點係頭頂嘅M字額,見佢同幾年前瀟灑嘅長髮有唔少分別。
之不過脫髮脫得嚟,江華都大方面對,剷走一頭長髮之餘,佢更留言:「在意別人的評價,往往會在別人的逢迎誇獎中作出錯誤的決定,也會在別人的口誅筆伐中潰不成軍。」而事實上,佢將個頭剷短之後其實又幾耳目一新吖。
精選娛聞,喺晒《娛果》
http://fb.com/appledailyent
今年55歲嘅江華喺電視劇上有好多經典作品(資料圖片)
外形英武嘅佢喺飾演將軍俠客等角色時都特別傳神(電視畫面)