Karis田泰安同女友Xaviere唔經唔覺訂婚一年。

前日（3日）係佢哋訂婚一周年紀念日，Karis就喺社交平台放閃，講晒I love you字句，實行一冧未婚妻制，而佢哋將於今年暑假舉行婚禮。

佢喺網上放閃後，今次（5日）谷戰騎足八場，隨時有可「閃」住贏馬。其中，第七場「閃得快」更要留意。

呢匹四歲馬由富豪黃志祥兒子黃永光擁有，上場在港初出跑田草1400米，閃閃身已得第三，證明質素唔錯。

今次轉跑谷草1650米，季內曾試谷閘勝出，相信佢有能力應付谷草跑道，加上佢在外地贏1600米，今次增程出擊必啱，排埋四檔起步，形勢唔錯，加埋安仔咁「閃」，應有機會打開勝門。