日本男子組合THE CHECKERS曾於80年代紅極一時，可惜1992年解散後，成員多年來都各自發展，鼓手德永善也已於2004年離世，令組合一直復合無望。

54歲嘅藤井郁彌近日又再活躍歌壇，佢同藤井尚之再以兄弟檔F-BLOOD發展，推出二人相隔9年專輯《POP'N'ROLL》，噚日更於東京開騷。藤井郁彌自言F-BLOOD係唔會解散，仲話會合作到死為止，不過大家最關心都係THE CHECKERS能否重組，藤井郁彌就講明冇乜可能，因為有隊友已經離世，加上亦有成員已唔再玩音樂，似乎重組無望。