金剛(本名：李信樵）與友人今日約凌晨3時，喺台灣台北市大安區忠孝東路上的夜場酒店「繽紛年代」捲入槍戰。

有指繽紛年代是台灣一間著名「禮服店」，有公關小姐不脫衣、不跳舞，單純與客人飲酒、唱歌、聊天。金剛女友陳蕊蕊今日接受《蘋果》電話訪問，佢話金剛事前冇「備案」，唔知佢去有公關小姐陪坐嘅地方，佢話﹕「我唔知，不過佢有分數....係囉，我信佢，佢傾生意嘛，做嘢在所難免。」

被讚好識體諒男友，蕊蕊有少少無奈咁話﹕「唔係點講？」咁有冇唔開心？佢話：「少少都有嘅，不過，我信佢。（有冇帶你去見識？）未去過。」金剛下午被送到北檢複訊，蕊蕊說﹕「應該仲需要錄口供。」

另外，金剛早幾小時前喺facebook報平安﹕「各位朋友不用擔心，我沒事，沒事，好的很....謝謝大家的關心喔！」