現年37歲嘅容祖兒(Joey)同師兄劉浩龍拍拖近5年，二人感情穩定，唔少網民周不時催佢哋結婚，不過Joey之前放晒口風要36歲前生BB，後嚟又改口話希望40歲前結婚，數數手指……即係3年內就好事近，而且Joey亦好有母愛，成日貼啲同小朋友玩嘅相，當中貼得最多就係好友Yumiko囡囡梁浸浸嘅相!

今日佢又撞到「星二代」，呢位可愛男B就係車婉婉嘅混血囝囝「BBQ」Justus(新聞連結： http://bit.ly/2sX6JSj )，Joey剛才喺Instagram貼出合照，留言：「好嘢!去salon竟然能見到婉婉和她兩個月大的藍眼睛肥B，隻腳仔滑嘟嘟成碌蓮藕咁，聽到媽媽說甚麼都笑咪咪，超級可愛，在此祝他快高長大身體健康!」

唔少fans都戥Joey心急，即留言問「幾時輪到你生番個俾容媽媽做婆婆」、「幾時到你生番個B」，明係催婚噃!!!

想隨時獲得更多親子資訊，快啲like Easy PaMa Facebook啦！
https://goo.gl/1qWM8g