當年今日

蕭正楠缺席 真係唔妥Juno
林嘉欣首次上《勁歌》蝦碌入錯Key?

蘋果日報 2003/05/25 00:00


電影《六樓后座》一班演員包括林嘉欣、蘇永康、麥浚龍(Juno)等前晚一同出席《勁歌金曲》錄影,而一直有傳蕭正楠因不滿Juno主唱該電影插曲,所以前晚蕭正楠沒有跟大隊上《勁歌》宣傳。而林嘉欣第一次上《勁歌》,但因表現緊張而入錯key,足足錄了三次才大功告成。
電影《六樓后座》一班演員林嘉欣、蘇永康、麥浚龍(Juno)、鄧健泓、周永恆和森美,前晚在將軍澳電視廣播城錄影《勁歌金曲》,早前有傳有份主演《六》片的蕭正楠不滿Juno在該片中所佔戲份雖少,但卻有得唱插曲,所以決定不上《勁歌》宣傳以示不滿,而前晚蕭正楠果然缺席。

為錄唱片取消登台
Juno前晚便對此事回應說:「我都唔知點答,我同蕭正楠都一段時間冇見,我諗佢係拍緊劇。我自己唔會唔鍾意邊個,片酬收咗做番自己嘅責任就得,我份人好隨和,但人哋點諗就uptoyou。」Juno亦透露因為要留在香港錄唱片,原定和關心妍八月去美國登台的計劃已決定取消,他表示覺得可惜。

「我上下都冇臭臭」
而蘇永康和鄧健泓都表示相信蕭正楠不會因不能唱插曲而不滿,康仔說:「之前都講話我嫌戲份少所以唔影poster啦,但其實我嗰陣跟本唔喺香港,我估蕭正楠應該拍緊劇。」而鄧健泓則說:「我同蕭正楠唔熟,但見佢同Juno相處融洽,大家年輕人冇問題嘅。《勁歌》喎,有得上梗係上啦,我都不知幾恨。」
至於首次上《勁歌》的林嘉欣,因為表現緊張的關係,足足錄影了三次,第一次因為入錯key,第二次是因為周永恆送花上台,令她即時忘記歌詞,到了第三次才成功唱完。林嘉欣說:「我心情緊張又興奮,以前在加拿大成日睇《勁歌》,我本來諗住一上台就同我爹哋媽咪sayhi,但一上台就甚麼都忘了。」
之前有傳Juno跳舞時有臭味,鄧健泓前晚就慫恿林嘉欣問Juno這個問題,Juno回答說:「我上下都冇臭臭。」
採訪:楊潔雯攝影:仇志德
empty
蕭正楠(左):我都冇話嬲!
麥浚龍(中):咪咁小氣啦!設計對白
資料圖片
empty
蘇永康在節目中表演掌上壓。
empty
鄧健泓摸着扮鬼臉的林嘉欣。
empty
周永恆孭着林嘉欣,似乎很吃力。