概念車：
福特MightyF-350Tonka似足玩具車
鮮黃車身奪目吸引
造型突出吸引嘅MightyF-350Tonka，外形極富創意之餘，加上車身以鮮豔奪目嘅黃色為主，加上不少電鍍配件，故此望落重有啲似小朋友嘅玩具車㖭；另一方面，車上大部分燈號都係採用LED燈作配搭，既有充足嘅光線又有奪目吸引嘅特點。
引擎動力輸出充裕
廠方特別為其裝上一台6.0公升V8柴油引擎，馬力輸出高達350匹，扭力輸出亦高達82.9kgm，配合一套5前速自動波裝置，從而令新車嘅性能表現更突出。
車廂多變實用性高
至於車廂方面，除布置得極具CyberFeel外，兼備有各項先進設備，以便駕駛者監察行車狀況，可謂既實用又方便；另外車內座椅亦可按需要而收摺放平，以增加乘客嘅活動空間或車內嘅載物容量。當中不可不提嘅，就係新車一套氣壓懸掛系統，若車門或尾門被開啟的話，懸掛會自動調低，方便乘客進出車廂或上落貨物；當所有車門關閉後，懸掛便會自動升回原有位置，真係好方便㗎。