遭遇校園欺凌的7歲軒仔，經手術取出被塞進耳內的擦膠頭後( http://bit.ly/2zMsh6R )，目前正在家中休養。軒仔父母經學校微信群組得悉校方今早召開家長會，為了解學校跟進情況，遂主動出席，惟校方根本未有通知二人參加家長會，惟聽罷後，余氏夫婦認為校方態度冷淡，未能解釋他們心中的疑團。

由家長拍攝到的家長會現場片段所見，出席的家長10多人，當中不少家長對事件十份關注，並希望校方清楚交代到底學校「有咁嘅事？定冇咁嘅事」，另外亦有家長直問：「為咗穩定家長嘅軍心，(學校)有咩措施？」亦有家長詢問「事發過程到底係點？老師們係咪完全冇理個學生呢？」

在會上負責主講的校長周任玲只表示：「我哋到底可以動用啲咩嘢幫返小朋友，因為而家擺喺面前嘅，最重要係小朋友！」惟她沒有正面回答家長們的質詢，只一直以「要謹慎、公平、公正」去處理事件，並強調：「涉事、懷疑嘅小朋友，但不確定，唔想有不必要嘅誤會。」她又說道：「好多細節，涉及有其他人士，包括年紀較小的小朋友，需要時間去證明。」一切將留待星期三才向家長交代事件。

雖然目前所有家長心目中存在一大堆問號，但「點樣去查？點樣發生？係咪小朋友的相處有問題？係咪課堂管理有問題」，以上種種問題，校長都沒有正面回答，只說：「要保護每一個小朋友喺安全嘅環境，係我哋嘅職責；喺安全嘅環境下學習，係我哋嘅責任！」

你敢爆，我敢獎！ 即Call《蘋果》24小時爆相爆片熱線 ：63836568