隔牆有耳：大陸禁片 康文署加場播 - 李八方
蘋果日報 2010/05/29 00:00
公務員隊伍之中，顯然潛伏唔少反動分子，對煲呔帶頭杯葛公投唔投票好反感，否則由康文署主辦嘅「兒童電影合家歡2010」，點會上映被內地封殺嘅紀錄片《請投我一票》？仲話因為反應十分熱烈，徇眾要求加開一場！
有互動答問環節
本年度「兒童電影合家歡」原定7月至8月放映三場《請投我一票》，前日突然宣佈加開7月30日一場，即係總共上映四場，之後仲有一個互動答問環節，俾觀眾分享感受。需知道由武漢製作人陳為軍執導嘅《請投我一票》在內地乃係禁片，康文署如此重視，擺明同中央唱反調對着幹，八方擔心會秋後算賬喎。
康文署打民意牌解釋，表示安排加場係因為《請投我一票》同另一套電影《走路上學》，均係今年最受歡迎、門票最早售罄嘅電影，原定幾場fullhouse後，好多觀眾打電話、電郵要求加場，康文署又攞到加場放映版權，所以從善如流添食。
呢套戲記錄07年武漢一間小學三年級一次班長選舉，三個學生角逐，為咗當選各出奇謀，抹黑、收買、送禮乜招數都有，寫實到極。香港人經歷多次選舉洗禮，蛇宴食到滯，旅行去到厭，對呢啲事情唔陌生，然而強國國情特殊，對真普選好驚青，因此一直被內地官方打壓。
在內地被封殺，《請投我一票》卻揚威海外，原屬歐洲一個名為《為何要民主？》（WhyDemocracy？）紀錄片系列之一，曾先後在逾40個國家電視台放映，又屢獲國際獎項兼提名奧斯卡最佳紀錄片。內地學者指出，《請投我一票》顯示小學生也能夠有民主，與中共指老百姓不適合選舉嘅宣傳背道而馳，相信因此被禁。
康文署打民意牌解釋，表示安排加場係因為《請投我一票》同另一套電影《走路上學》，均係今年最受歡迎、門票最早售罄嘅電影，原定幾場fullhouse後，好多觀眾打電話、電郵要求加場，康文署又攞到加場放映版權，所以從善如流添食。
呢套戲記錄07年武漢一間小學三年級一次班長選舉，三個學生角逐，為咗當選各出奇謀，抹黑、收買、送禮乜招數都有，寫實到極。香港人經歷多次選舉洗禮，蛇宴食到滯，旅行去到厭，對呢啲事情唔陌生，然而強國國情特殊，對真普選好驚青，因此一直被內地官方打壓。
在內地被封殺，《請投我一票》卻揚威海外，原屬歐洲一個名為《為何要民主？》（WhyDemocracy？）紀錄片系列之一，曾先後在逾40個國家電視台放映，又屢獲國際獎項兼提名奧斯卡最佳紀錄片。內地學者指出，《請投我一票》顯示小學生也能夠有民主，與中共指老百姓不適合選舉嘅宣傳背道而馳，相信因此被禁。
片中老師宣佈民主選舉班長。
曾獲提名奧斯卡
國人對禁片、禁書一概趨之若鶩，因此名義上被禁，《請投我一票》盜版盛行，網上廣為傳播自不待言。大陸對8歲小學生選班長都睇唔順眼，香港人要求取消功能組別真普選，一人一票選特首，北京會肯咩？
mailto:[email protected]
mailto:[email protected]
老師提醒要認真地投神聖一票。