晒恩愛,認戀情,有好多方式,但喺一架行駛中嘅車,十指緊扣,危險喎,仲要嗰個係郭富城……你知啦,佢架架靚車,全部都好辣0架嘛!
城城同新城嫂Moka噚晚呢張世紀一拖,男嘅話「這樣開車要慢一點」,女嘅就話:「嗯~慢慢開」,真係閃到眼盲。
明眼人一睇就發現城城「兩口子」坐嘅係左軚車,地點不詳,不過就「驚動」埋深圳交警——唔使驚,其實係話,深圳交警都有喺微博貼呢張相,嚴格而言係,偷咗城城微博張圖,裁咗城城微博水印,然後upload上自己深圳交警微博,寫道:「#警方提醒#開車時必須集中精力,千萬不要做與開車無關的事。不僅不安全,還可能引起其他錯誤效仿…」
唔好做同開車無關嘅事……深圳交警可唔可以講明啲?