陳家樂今日去咗樂富出席活動，雖然佢已經係一個藝人，但佢就因為自己都係喺屋邨長大，所以平時都鍾意去普通商場行街，見到街坊亦覺得好有親切感。

陳家樂憑劇集《逆緣》中爺爺一角提名《最佳男主角》和《最受歡迎電視色》獎項，今日落區可以趁機為自己造勢拉票，但佢就笑住話：「寧願宣傳呢個員工拉票活動，成功有一萬元獎金，機會比攞視帝大。」佢又話對兩個獎項冇特別認知，自己反而想同林夏薇攞情侶獎，但又無提名。當然啦，林夏薇人都離咗巢，又點會受佢玩呢？

陳家樂o依家分別拍緊電視劇同電影，對住嘅兩位女拍檔，正正就係同佢傳緋聞嘅陳瀅同湯怡，問佢聖誕會同邊個過？家樂話：「工作上同陳瀅過，兩個都係我好同事好拍檔，聖誕要開工，無乜私人時間，工作咪幾好，又唔使諗節目。不過每年聖誕都會覺得好lonely，又老一年，覺得自己呢年做得未夠好，下年要再努力，感覺好唏噓。」

精選娛聞，喺晒《娛果》
http://fb.com/appledailyent