當年今日
關於我們

【改名後】梁祐嘉推新歌靠自己 馬天佑爆被霍啟人欺凌

蘋果日報 2020/03/17 16:46

馬天佑梁祐嘉

梁祐嘉(Abella)今日到新城電台宣傳新歌《天蠍》,她透露今次是1年半前改名後首次推出的新歌,她說︰「原先佑字改為祐,係代表感恩神嘅庇佑。」本身是天蠍座的Abella指,很多朋友聽到天蠍座就會與她保持距離,因為天蠍座復仇心強,Abella說︰「我想為天蠍座平反,復仇唔係想整死對方,只係想自己優化。」成為獨立歌手後,大部份工作要親力親為,其實此新歌7年前已做好,Abella表示很多時間不在港,近兩年又生小朋友,所以新歌推遲到今年。肺炎疫情肆虐,Abella表示盡量不會帶兒子外出,她說︰「BB而家14個月,因為佢呢個年紀唔鍾意戴口罩,又迫唔到佢戴,所以好少出街,留喺屋企親子。」
此外,馬天佑今日去到新城電台,宣傳新歌《鹿角少年》,他指歌曲描述被欺凌的少年,是他讀書時候的寫照,同時帶出學童欺凌問題,馬天佑回想童年曾遭同學用皮帶鞭打,他說︰「我細個讀書嘅時候,因為自己身體孱弱,性格極度內向,經常俾人蝦,唔敢同人講嘢之餘,亦唔敢舉手向老師發問,就算老師問我問題都心跳加速,長大後嘗試多啲同人溝通。」
過去7日做YouTube線上節目,邀請7位不同嘉賓訪問,馬天佑邀請了好友霍震霆孻仔霍啟人受訪,馬天佑指其中一個於小時候欺凌他的霍啟人,隨後變成最保護他的好朋友,馬天佑說︰「佢細個蝦我,但係之後就好保護我,而且係佢勸我去英國讀書,喺訪問裏面我問佢記唔記得當年讀書嘅時候攞皮帶鞭我,當年仲有3、4個同學一齊攞皮帶鞭,自己唔覺得好慘,反而係一個好好笑嘅回憶。」
採訪︰張明
攝影︰陳慧安
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(攝影︰陳慧安)
empty
梁祐嘉改名後,首次推出新歌。
empty
馬天佑出新歌講欺凌。
empty
馬天佑小時被霍啟人欺負,但二人卻成了好友。(IG圖片)