薛家燕、鄭俊弘、胡鴻鈞和菊梓喬（Hana）等今日喺黃埔出席新城團拜，家燕姐新年有大陸朋友招待，佢同仔女們放煙花玩得好開心。嚟緊一年佢創辦嘅家燕媽媽藝術中心會有好多計劃，佢話：「之前有十幾個內地大企業傾加盟藝術中心，相信2017年內地發展應該好好。」現時藝術中心約有10間分店，今年預計再開3間。

另外，Hana新年同女老闆到泰國旅行，剛加盟新唱片公司，做咗鄭俊弘師妹，二人希望喺音樂上合作，Hana亦想有桃花運，識個男朋友，佢話：「有幾年冇拍拖，想物識個男友可廝守一輩子。」問佢唱片公司會唔會批准拍拖？Hana即係認乖：「又唔係細路，會識分寸。」