日本樂壇天后安室奈美惠出道25周年，佢將於9月16及17日在其家鄉沖繩開騷「namie amuro 25th ANNIVERSARY LIVE in OKINAWA」，今次個唱大玩空姐造型，仲坐上AMURO AIRLINE拍攝宣傳照。

安室發展多年來未有鬆懈，日本有消息指安室同前夫SAM所生嘅19歲囝囝溫大今年春天已考入當地著名大學，令安室更有動力搵錢供乖仔升學，溫大仲已介紹拍拖多年嘅女友俾媽咪識，母子感情十分深厚。同時，有指安室更密謀進軍美國市場，積極練琴望轉型做個唱作歌手。