韓國當紅組合SuperJunior（SJ）日前喺北京開騷，雖然佢哋之前已舉行過首爾、東京、香港場次嘅演出，照理應對流程很熟悉，但金希澈喺演唱《Evanesce》時居然遊魂發台瘟，未有依照原定安排跟隨隊友齊齊走上旋轉升降台，笑爆全場。

當時東海見勢色不對，已提示希澈企錯位，但希澈冇反應，繼續天然呆企喺原地，其他已升高嘅SJ成員惟有死撐繼續演出，而崔始源就低頭偷笑，不過佢都有執生，走位彌補希澈懸空嘅位置。

此外，希澈前日更新Instagram，公開自己和始源、東海和銀赫食炒辣雞嘅相，該店係銀赫喺SJ-M真人騷節目入面經常去幫襯，希澈就笑言下次要轉去佢常去嘅網吧。