凍齡女神「海潮」溫碧霞（Irene）的確很喜歡海，為賀豬年親畫年桔應節的她，日前着低胸性感紅裙到淺水灣沙灘吹着海風，看着斜陽晚照畫年桔，認真夠詩情畫意。

喜歡畫畫的Irene，不用五分鐘已極速完成「大吉大利」年桔畫，她說：「之前都畫咗好多畫，捐晒畀慈善機構，近年好少時間畫，但自己好鍾意，希望將來有時間去進修。」至於新年願望，Irene希望家人和自己都身體健康：「健康同開心最緊要，工作方面今年有新突破，電影有挑戰性角色畀自己發揮，我而家已經好幸福，事業又如意，希望keep住呢種幸福快樂一直落去。」

不過，臨近豬年流感不絕，Irene祝願：「希望豬年流感遠離香港，聽講有好多人因為流感而離開，所以好sad！希望多啲出太陽，有陽光天氣好啲，冇咁多病痛。」

在調景嶺長大的Irene，最難忘是小時候過年可以玩燒炮仗：「好懷念細個過年會放煙花同炮仗，而家香港唔畀放，但通常去外地度假就會放，好似峇里島就畀放煙花，我覺得新年放煙花特別有氣氛，之前啱啱去咗峇里島，記得除夕倒數嗰晚，同好多朋友一齊放煙花，天空好多星星，好靚。」所以，農曆年Irene都會出外度歲：「今年仲特別啲，我哋一家三口會同哥哥姐姐一齊去旅行，臨走前同成家人食團年飯先，上海炒年糕、蘿蔔糕都係我拿手好菜，因為我鍾意食過年食品，唔驚肥，做多啲運動就得，跟住封利是，囝囝最開心收利是。」

撰文：余燕儀
攝影：郭賢興
攝錄：周樂恒
髮型：Daniel Cheng@hair corner central
化妝：Khaki Yan

10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI

精選娛聞，喺晒《娛果》
http://fb.com/appledailyent