呂慧儀的老公黃文廸被《蘋果》踢爆在巴士偷食短髮女，呂慧儀隨即在社交網發離婚聲明，指與黃文廸於2018年已由夫妻變回朋友。而黃文廸的舊緋聞亦被翻炒，指2013年他在社交網貼與「黑甲油」女子車廂拖手相，爆發第三者疑雲，矛頭直指當年有份做姊妹陪嫁的傅嘉莉。

傅嘉莉今晨突然爆seed，指自己當年受盡冤屈，稱兩夫妻「自己搽指甲油、自己在自己車上、自己影相、自己上載的相片、會聯繫到我身上」，但一直沒有人為她澄清，令她蒙上「搭上朋友之夫」之衰名。有網民直斥傅嘉莉趁機抽水，亦有人覺得她含冤多年，應該出來澄清。

不過，6年前的事，相信大家都忘記當中細節，現在就翻一翻資料，還原事件真相！

2013年10月2X日
黃文廸在Instagram上載車廂一男一女拖手相。

2013年10月30日
呂慧儀轉發黃文廸的拖手相，然後質問老公﹕「我想來想去都想不到我甚麼時候塗過黑色甲油，＠黃文廸，你是否記錯了？」

2013年10月31日
呂慧儀在微博貼上一張眼神好憂鬱的相，還有感而發指金錢令人變得醜惡，寫着：「即使曾經跟你有多親，心變了也就成為陌生。」及後她解釋只是說一位親戚經歷。當時被問老公是否有第三者？她故作輕鬆笑說﹕「如果係我會拱手相讓囉，唔鍾意爭嘢。」

2013年11月01日
有網民發現「黑甲油」疑似是傅嘉莉，因為她在6月出席時裝活動時，同樣是搽上黑色指甲油，與黃文廸及另外兩名男子合照，傅嘉莉還在微博寫道:「其中一位是我入行以來非常尊敬的前輩。」不過，傅嘉莉受訪時已立即否認：「個個女仔都有機會搽黑色，我成日轉色㗎！」

同日，呂慧儀貼了一張甜睡相，留言﹕「我會好好的，別擔心。他說手也不是他的，我會相信他......今天生病了，我要倒頭大睡去了。」她受訪時否認激到病﹕「佢仲話我豬，連佢隻手都唔認得？我問佢做乜唔回我微博，好似作賊心虛，佢話太忙冇睇，仲話冇我同佢拖手相，所以借其他人相嚟用。」

對網民懷疑「黑甲油」是傅嘉莉，呂慧儀想了一會，回答：「唔係呀？以前同一間model公司，覺得佢幾靚女，等我睇真啲係咪我老公隻手先！」

2013年11月2日
黃文廸與傅嘉莉一齊出席慈善跑步活動，傅嘉莉換了紅色指甲油，二人還一起接受訪問。黃文廸指「儍公主」認錯他的手，被問拖手照是否他的手？他起初不確定說應該不是，後來又補飛：「唔係我，佢見到黑甲油，覺得冇搽過，本來諗住晒恩愛，點知晒出禍。」在旁的傅嘉莉說：「佢哋成日耍花槍，好彩今次話係我。你打動唔到我，全世界冇男人都唔揀你。」黃文廸趁機冧老婆﹕「我好愛蟹公主！狗仔隊勁，出親街都中招，冇晒女性朋友，男性朋友都冇。」

同日，呂慧儀在微博貼黃文廸與傅嘉莉合照，並留言﹕「很多的巧合把我的好姊妹@傅嘉莉KellyFu變成小三[滴汗]，我們認識很多年，她是一個好女孩，大家不要誤會她了，女孩的名聲很重要，而且這些傳聞不會影響我們的友誼。@黃文廸。」

事件亦告一段落，誰是誰非，自己拆解。

對於當年有為傅嘉莉澄清，問到呂慧儀會否覺得受委屈？她今日回覆傳媒說﹕「唔回應了，謝謝。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef