香港電視專業人員協會會長徐小明今日喺尖沙嘴出席「電視世界—TVWorld」記者會，講到發放免費牌照一事，徐小明話收到唔少會員同藝人意見，想發牌嘅意慾好高，問佢本身係咪支持？佢話協會未去到發表意見，唔可以講。

亞視高層鄺凱迎今日同亞姐陳彥蓉、齊真晨以及亞視藝人林睿、甄思羽到場支持，佢話今年亞姐25周年會大搞，提到亞視搞騷阻發牌，近日遭罰款一事，鄺凱迎話已發聲明回應，今日唔講呢啲。