吳志森和曾志豪完成最後一集《頭條新聞》錄影後，在錄影棚內接受傳媒簡單訪問，10多年來無間斷地為節目演出，吳志森表示對節目走到今日感到不捨和難過，他說：「雖然而家佢哋只係話要檢討，但坦白講我係覺得悲觀嘅，以而家香港呢個情況，就算節目再返嚟都可能只係得番一個軀殼無靈魂。」

至於曾志豪就表示自己對節目未來沒有有森哥般悲觀，他說：「始終都係檢討啫，檢討成點大家都唔知，我都會抱住個希望嘅。」森哥直言悲觀的原因，是因為即將降臨的國安法，會對傳媒影響深遠：「可能我年紀大啲，睇嘅嘢多啲，我一路都係咁悲觀，唔單止對節目，對香港都係咁悲觀。」

假如節目在最後真的回不來，兩人可會效法王喜般在網上延續《頭條新聞》？森哥表示：「呢樣唔敢講，唔排除有呢個可能，但《頭條新聞》喺香港電台播放係有一個特別嘅意義，就係喺一個公營機構，即係喺政府嘅眼皮底下去發聲。」他又坦言，在制度以外論時事大有人在：「佢哋仲去得盡過《頭條新聞》好多，舉例我哋去《蘋果》、去杜汶澤度做冇話唔得，不過個意義就唔同咗，當然我唔會話一定冇可能，never say never。」

兩人亦衷心感謝《頭條新聞》的台前幕後所有工作人員，曾志豪稱：「好多謝佢哋，我哋一直以嚟帶畀佢哋好多麻煩，尤其呢幾個月呢有好多投訴，公關部嘅同事好辛苦，冇佢哋都唔會有《頭條新聞》。」森哥則指是靠一眾台前幕後工作人員撐起《頭條新聞》這個空間，指他們承受很多壓力：「相比之下我哋只係好微不足道。」

採訪：曹家誠
攝影：陳俊強、廖達燊

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新