德甲球會法蘭克福周五公佈同一位青年軍成員簽訂職業合約，竟然成為各大傳媒爭相報道嘅焦點？全因呢位18歲喀麥隆前鋒名叫曼德拉（Nelson Mendela），同已故南非民權領袖兼前總統曼德拉竟然同名同姓，認真巧合！

不過，唔好以為呢位小將得個名，佢係巴塞隆拿拉瑪西亞學院出品，之前短暫效力過賀芬咸，過去一季為法福U19上陣14場射入8球，最終獲得回報提升上一隊，有助改善呢支去季德甲11位球隊有欠銳利嘅鋒線。另外，法蘭克福同日推出黑白色新主場波衫，相當sharp醒。