呢輪大家日日對住出爐港姐冠軍雷莊𠒇，係咁被批評(文章連結： http://bit.ly/2f8sc2a )，再對比網民掟出大堆國際小姐澳門代表麥嘉欣（Sofia Paiva）嘅靚相。

真係叫親「嘉欣」都係靚女噃。國際小姐澳門代表嘅麥嘉欣（Sofia Paiva）最近被網民熱捧，話佢完勝出爐港姐冠軍雷莊𠒇，仲有圖有真相。

不過今次唔使齋睇相啦，因為嘉欣陣間就會殺入堆填區，喺《蘋果》娛樂直播節目《今日ENT》現身，同場仲有國際小姐香港代表王詠珩（Wing）添，而佢兩個都會出戰10月東京舉行嘅國際小姐競選0架。

問到歷屆港姐，佢哋覺得邊個最靚？麥嘉欣就話：「好多都靚喎，近期我鍾意Grace(陳凱琳)。」王詠珩比較留意麥明詩：「聽佢講完嘢就更欣賞。」麥嘉欣都欣賞麥明詩：「覺得佢講嘢好得睇。仲有李嘉欣啦，大家都叫嘉欣，佢講嘢都好得體。」

想睇佢哋真人？想問佢哋問題？想了解係咪隔離飯香？咁就要留意今日下午一點嘅《蘋果》facebook Live啦！ https://www.facebook.com/hk.nextmedia/?fref=ts