韓國女團TWICE早前攜新碟回歸，佢哋都密密上節目做宣傳，日前佢哋就出演SBS節目《白鐘元的三大天王》，仲挑戰各種韓國「大叔最愛嘅料理」，當中仲被安排挑戰曾被選為「世界最臭食物」嘅炸醃斑鰩。

當中台灣成員周子瑜因為未試過呢種食物，竟然大膽自薦要挑戰呢種美食，當佢咬第一口時，即被嗰種刺鼻嘅味道搞到佢嘔出來，加上眉頭緊皺住，令全場都忍唔住爆笑。

另外，近日台灣一名輔大女學生就因為神似子瑜，而成為網上紅人，佢今年仲因為入選輔大公益月曆6月女孩，所以更加為人注意，不過佢就話自己只係角度問題，當中佢認為自己只得側面比較似子瑜。