黃秋生不滿疑似被FB「禁聲」:乾脆永遠封咗我
黃秋生禁聲
影帝黃秋生向來都鍾意在FB做分享,自8月底後卻見他少出post,反而轉場到Twitter暢所欲言,他今日在FB留言:「呢度真係九唔搭八,忽然又可以發佈,想唔懷疑佢封鎖我都唔得。我自己已經放唔到嘢好耐。全部別人管理。不過話時話,都冇佢咁好氣,儍人有乜好鬧,鬧佢你都儍埋一份。乾脆永遠封咗我喇,唔係我久唔久都會忍唔住講嘢㗎。」秋生不滿疑似被FB「禁聲」,今日出文後,網民即力撐:「你係我最值得欣賞嘅影帝,唔好唔發聲呀」、「久唔久踩下條紅線,佢久唔久着下燈,我哋睇得好開心」、「講多啲,去Twitter都好,國際線」。秋生大呻FB出不到文,他今日回覆《蘋果》時直言:「鬼知做乜。」
秋生懶理疑似被FB「封鎖」,樂得在Twitter開心share,秋生於9月13日有說過:「如果咁X多人犯法被捕,咁你就要諗吓,到底佢哋犯法?定你哋犯緊法啦。」早前有孕婦及兒童被警察濫捕,秋生也看不過眼,9月13日在Twitter留言:「我非常重視保護婦女及兒童。吓?影到你打女人打細路喎。我話我非常重視保護我屋企嘅婦女及兒童。」9月17日再在Twitter說:「今日教大家乜嘢叫唱衰,一件事原本係好嘅你先可以唱衰。相反,一件事原本係衰嘅你先可以唱好。」
秋生過去兩個月索性到Twitter暢所欲言。(Twitter截圖)
-----------------------------
-----------------------------