當年今日

隔牆有耳:師徒冇面畀 - 李八方

蘋果日報 2009/08/17 00:00


中學時因為射籃射極唔入,自稱有射波心理障礙嘅立法會主席曾鈺成,噚日為撐民記黨友,不惜瞓身落場獻技,其間慘被徒弟蘇錦樑掃甩眼鏡,但為咗個黨,依然毫不錫身。
蘇錦樑事後話,自己落場時已冇盡全力,因為四年前同中聯辦官員打籃球時,左腳十字韌帶一開波就斷咗,打波時要就住就住。
阿曾雖然有射籃障礙,但結婚安排就零障礙。噚日佢證實婚期係早前傳媒踢爆嘅11月,話已經同一樣好事近嘅白鴿黨阿涂夾過,雙方一定冇撞期,仲連婚宴場地都已揀埋。問佢影咗結婚相未,阿曾就話:「你哋唔好叫我煩住先啦。」但就一副冧樣咁行開。
empty
蘇錦樑斷過左腳十字韌帶,但射吓波就絕對冇問題。