陳文媛最近獲邀任「草姬──蜂皇乳」代言人，日前在柴灣一影樓拍攝硬照廣告，BoBo分別以三個不同造型出現，其中兩個更須穿上露肩連身裙。不過當身材平平的她穿上宮廷裝扮蜂后時，上圍突然升cup，變得頗為豐滿。

「唔鍾意胸大」
平日BoBo的打扮密密實實，這次騷哥利除凸顯身材外，亦揭露其胸前有兩顆痣的秘密。BoBo日前接受記者電話訪問時，對於胸部突然發育不禁大笑說：「係件衫嘅問題啫，件衫嘅胸位有啲橡筋同啲褶位，我又着咗腰封，現場又打埋燈，先至有錯覺啫。」
問BoBo有否在宮廷裝內加胸墊？她說：「唔需要，我不嬲都唔鍾意胸部大，我自己覺得唔好睇，亦都唔會加嘢，自然最緊要。」
BoBo表示今次由形象師為她訂製服裝，並對對方很有信心，BoBo又謂不覺得這套宮廷裝性感，她說：「我就覺得冇乜嘢，唔係好性感啫，之前我都影過婚紗同晚裝相，都係咁嘅效果喎。」當日BoBo穿上露肩晚裝，才發現她胸懷大痣，BoBo笑說：「我聽人講話啲墨喺背脊嘅就唔好，生喺前面嘅就係好嘢嚟，所以我都冇去脫。」

派開工利是
BoBo聲稱這次拍廣告有六位數字酬勞，正好讓她發財過年，她說：「我對酬勞好滿意，啱啱過年要使錢，我除咗將部份錢儲起外，重會留番啲派開工利是，我有呢個習慣，因為覺得啲同事辛苦咗咁耐，過年派吓利是，大家開開心心嘛。」
採訪：朱倬誼　攝影：陳梅香