日本女星齊藤由貴被公開跟一名已婚醫生發展長達七年姦情身為有夫之婦嘅齊藤由貴上月仲開記招博同情，斬釘截鐵否認背夫出軌，不過當佢激咀人夫醫生多張照片曝光後，令齊藤由貴形象破產，難怪被批事業已經玩完。

齊藤由貴目前有兩個廣告合約在手，如今爆出醜聞勢被廣告商炒魷，更涉及違約金至少數百萬港元，兩間廣告商暫時話要了解事件才作出評論。同時，齊藤由貴跟福山雅治、役所廣司合演嘅是枝裕和新片《第三次殺人》快將上映，而佢喺TBS電視台新劇《神奈小姐！》中扮演渡邊直美嘅奶奶角色，不過偷食證據昨日曝光後，《神奈小姐！》昨晚播出嘅第八集收視急跌至7.9%，比上集9.2%下降達1.3%，係開播以來最差一集，自然又係入齊藤由貴數。