當年今日
關於我們
【又圓潤咗】調理身體努力造人 37歲樂基兒:嘗試緊
蘋果日報 2018/03/22 20:32
樂基兒
黎明
Your browser does not support the video tag.
黎明(Leon)要做爸爸喇,唔少人都戥佢開心,當中包括前妻樂基兒。
樂基兒(Gaile)今晚喺淺水灣出席活動,同場仲有周汶錡、Ana R.等。樂基兒直言有留意Leon做爸爸新聞,佢話:「記者有搵我,我恭喜晒佢,好戥佢開心,希望佢生多啲BB,希望BB健康同得意。」
黎明嘅另一半阿Wing以前係A Music助理,問佢哋識唔識?樂基兒話:「同公司,但唔係太熟,都有見過面,好Nice。(會唔會好愕然?)唔會,戥佢哋開心,每個人有自己機會。」樂基兒話私下唔知Leon將做爸爸,都係記者打電話俾佢先知,Gaile仲笑言以為自己喺ig放煮嘢食相個樣太好食,所以吸引傳媒查詢。
近日Gaile都冇刻意致電或傳短訊俾Leon講恭喜,佢解釋:「冇呀,唔想擾騷人。(有傳聞阿Wing好霸道?)唔知道。(係咪同李治廷(Aarif)拍過拖?)真係冇,見過Aarif好多次,應該真係冇咁嘅事。」黎明喺fb宣佈快將為人父,仲感性話﹕「兩個經歷過離婚的人,有機會走在一起已是一種緣份」,(相關新聞: http://bit.ly/2IyRwLX ),Gaile都好認同:「我都覺得係,自己都一樣,同丈夫都係結過婚,兩個人好開心,可以fall in love多次係開心事。」
見Gaile都圓潤咗好多,問到幾時輪到佢生小朋友?Gaile好坦白話:「嘗試緊,希望盡快,最重要係生健康BB。(現在調理身體?)做瑜伽同運動,仲有食維他命。(努力中?)成日要飛,如果真係有就會減少工作,順其自然啦。(係咪都心急,希望呢一、兩年內?)唔通呢幾個月就有咩。」
對於雷頌德話Leon係惡外父,Gaile話:「我真係唔清楚,但應該唔會,佢唔惡,唔係咁嘅人。」
精選娛聞,喺晒《娛果》
http://fb.com/appledailyent
樂基兒恭喜前夫Leon快將做人父。(攝影﹕陳慧安)
樂基兒明顯圓潤咗,佢話都努力造人中。
黎明日前喺fb承認兩個失婚人走在一起唔容易。(資料圖片)
阿Wing曾被指霸道,Gaile表示唔清楚。