江嘉敏被網民攻擊 疑似江母幫女出頭鬧爆：肺炎等緊你！
蘋果日報 2021/03/10 22:42
江嘉敏馮盈盈
江嘉敏算是惹火人物，負面指控不時成為討論區熱話，先有疑贈品扮義賣，繼而急急刪掉「義賣」字眼強調非慈善機構，再有被前Fans公開對話截圖，指她當Fans如下人，不過最多人留意定必是她去年跟馮盈盈因「船P」事件反目一事。
有指重返大台救亡的曾志偉刻意安排兩位事非人主持新節目，馮盈盈昨日於IG貼出兩人合照，雖然兩人明顯笑容牽強，但網民卻發現她們分別在IG貼出的相是有所分別，討論區有網民以標題「究竟江嘉敏係有幾CHEAP先要P瘦自己再P肥馮盈盈」，同時亦有網民將江嘉敏在社交網貼出跟媽咪敷Mask的相截圖，發現疑似「江嘉敏媽咪」用來鬧人的賬戶，截圖內容看到有人留言「馮盈盈靚過你好多喎！你加唔加filter都係咁嘅樣」，疑似「江母」賬戶即留言「瘋狗症加肺炎，係唔係行錯地方講錯嘢？」，另一張截圖顯示有人寫上「呢個節目搵你做主持相當適合，扮單純的心機婊」，同樣疑似「江母」賬戶即反擊「原來世界上真係有你呢啲垃圾人存在嘅，肺炎等緊你啦」，言論令好多網民反感兼狠批。再者有網民發現江嘉敏昨日IG貼出跟馮盈盈「破冰」帖文中，曾留言回覆疑似「江母」賬戶說：「哈哈！知道了！佢把口臭過乜嘛！有冇打佢吖？」但今日再翻查其留言欄紀錄，發現江嘉敏刪掉以上留言。
對此事件，江嘉敏否認網民所指的賬戶是其母，更嬲爆指有人刻意針對自己，她強調母親的賬戶並非事件中所指那個，不明為何有人如此黑心作出此類行為，更表示經已侵犯她的底線，攻擊她的家人。她事後嬲爆在限時動態發文鬧爆「我唔理妳係我背後講乜又好做乜都好，我理得你又利用我玩我屈我暗串我耍盡機心。我講多一次，你搞我就搞我﹗你唔好搞我屋企人，明唔明？！」不過出文後，又秒速刪掉此限時動態帖文。對於有人指聲稱該賬戶是江嘉敏媽媽，江嘉敏接受傳媒訪問時就否認：「聲稱咋嘛，我有follow我媽咪IG，我點會唔follow？加上我媽咪好耐冇玩，所以嗰個一定唔係佢嚟。至於最近有咁多假account、打手出現……我唔希望大家繼續去令呢件事發酵、抹黑。」
江嘉敏與馮盈盈「破冰」合照又惹是非。（網上截圖）
網民發現疑似江嘉敏「媽咪」賬戶。（網上截圖）
討論區圖文並茂貼上疑似「江母」賬戶鬧人留言。（網上截圖）
疑似「江母」賬戶寫下惡毒留言鬧爆網民。（網上截圖）
江嘉敏強調疑似「江母」賬戶並非媽咪擁有。（網上截圖）
網民發現江嘉敏跟疑似「江母」賬戶有留言互動。（網上截圖）
江嘉敏在限時動態留言指不要搞她的屋企人。（網上截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！