韓國女團f(x)嘅前成員Sulli之前突然取消咗Instagram帳戶，雖然冇咗Ig平台，但Sulli繼續活躍網上，佢男友崔子就不時喺網上晒恩愛，上載同Sulli嘅拍拖照，佢噚日就上載咗同Sulli拍拖食羊肉串嘅照片，兩人仲好合拍地，將串棍放入嘴兩邊，變成兩支野一樣，好鬼搞笑。

另外，日前播出嘅MBC《SectionTV演藝通信》節目中，就提到Sulli家中兩隻特別嘅愛貓，Sulli家中飼養咗兩隻加拿大無毛貓，佢哋本身冇毛，耳朵好尖，個樣似足電影《魔戒》(TheLordoftheRings)中隻咕嚕。據節目指，Sulli愛貓都唔平，要成200萬韓圜(約13,200港元)一隻。