【新增影片】
梁振英一家五口，個個都用自己方法登上報紙頭條，正當港人怒吃花生之時，香港末代港督彭定康嘅三女彭雅思（AlicePatten），最近有網民喺佢嘅facebookfanspage發現有佢喺港督府嘅一家五口連兩愛犬嘅家庭合照上載，連續兩張「全家福」都係喺聖誕樹前影嘅，仲喺相片hashtag＃HK，話「I’mgratefulforyoursupport.IloveyouHongKong」（感激你們的支持，我愛你，香港。）

雖然唔知係咪佢本人uppload上去，但呢番愛港感言已經觸動好多網民，唔少人留言話好掛著佢哋，仲話彭督一家係「香港永遠的第一家庭」，「我們需要你回來，由你示範在機場的言行舉止應如何。」

而家係演員嘅Alice今年36歲，離開香港時只有17歲，佢最經典一幕一定係佢喺主權移交當日，企喺皇家遊艇不列顛尼亞號離開香港時哭成淚人，肥彭更為佢拭淚。

今次Alice呢兩張相，一張呃like逾2000，另一張更迫近4000個like。但Alice上載喺香港嘅舊相，查實唔係第一次咯，一年前佢都曾經上載一張三姐妹嘅相，三人身穿背心連身裙，唔少人睇到都會諗番香港嘅goodolddays。唔知佢今次連po兩照想當年，又有乜觸發點？