足球｜巴西球迷「變節證據」紋上身 獲美斯親筆簽名認證
蘋果日報 2021/06/22 03:00
美斯西甲巴塞隆拿美洲盃阿根廷
一位巴西球迷將美斯嘅經典慶祝入波一幕紋喺身上
一位巴西球迷早前將阿根廷球星美斯一幕經典畫面紋喺自己嘅背脊，成為網絡熱話之餘仲畀美斯大讚，呢位球迷日前更獲得美斯親自喺佢嘅紋身側邊簽名，令呢個作品得到美斯嘅認證。
一位巴西球迷早前喺背脊紋咗美斯喺2017年西班牙打吡入波後，高舉自己件波衫嘅一幕經典場面，呢件事喺網絡上成為咗一陣熱話，就連美斯本人都有份留言大讚呢個紋身作品，當時美斯仲話希望可以喺呢個紋身上面簽名㖭。
美斯曾經表示好欣賞呢個紋身，仲話希望喺上面簽名
要同美斯見面就梗係唔容易，不過緣份嘅嘢話嚟就嚟。今屆美洲盃原本係阿根廷同哥倫比亞合辦，不過由於兩國因為疫情同政局關係都放棄主辦，咁啱巴西又成為咗最終嘅主辦國，令呢位球迷有機會同嚟到巴西踢美洲盃嘅美斯見面。
美斯現身為呢位球迷簽名
呢位球迷星期一就喺阿根廷國家隊嘅練習場地等美斯出現，又真係畀佢等到喎，美斯亦都好有口齒，隨即喺呢位球迷嘅背脊簽名。不過美斯嘅簽名會甩色點搞？呢位球迷最終就決定將呢個簽名紋埋上身！相信有美斯真人認證嘅紋身都係得佢一個，至威係佢啦！
呢位球迷將美斯嘅簽名再紋喺身上
-----------------------------
想財富增值 就真係要眉精眼企
想財富增值就梗係要樣樣計到盡，即使係借貸時嘅回贈，都要攞盡最大着數！喺2021年4月1日至2021年6月30日期間首次提取貸款，可即場獲獎賞現金高達港幣$5,000▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
-----------------------------
《體蘋果》陪你睇波講波