練馬師羅富全剛周日憑「真好漢」再添頭馬進賬，至今已勝出五場頭馬，手風甚順，亦證明呢位新晉練馬師係有料之人。承接旺勢，料攻勢浪接浪，吼住佢嘅參戰馬，可能會有意外收穫。

周三谷中夜賽（27日），羅富全馬房出馬共四件，當中一對同主馬「情意相投」及「魅力知心」分戰頭場及尾場，馬迷要分外留神，皆因今朝（25日）先後安排由副練馬師策騎往內圈出試。

兩駒不單賽前做足工夫迎戰，今晨馬主更專誠親臨沙田馬場觀看愛駒晨課表現，睇動靜似乎有料到，不妨仔細研究一吓。