今個月底係日本女星藤原紀香嘅46歲生日，佢同第二任丈夫片岡愛之助結婚已經滿一年，兩公婆不時於網上晒恩愛，早前趁住老公主演嘅《明治座花形歌舞伎》開鑼，紀香更穿着高貴和服為老公充當柴可夫司機，載片岡愛之助去會場準備開騷。

紀香婚後都冇告別幕前，目前佢再登舞台為歌舞劇《熱海五郎一座》演出，獲唔少圈中人捧場，包括AKB48舊成員篠田麻里子都有到場支持。紀香一向工作認真，噚日佢就更新網誌，公開每朝原來都有拉筋伸展以助發聲，更由男導師協助下進行肌肉鬆弛運動。