【新增回應】

31歲林夏薇大前年下嫁有米老公莫贊生(Jason)，雖然老公貴為多間上市公司董事，絕對可以過住少奶奶生活，但呢位人妻依然醉心幕前工作，登台又拍劇，根本無停過，不過終於...終於都要停落嚟喇！

今日有周刊報道，林夏薇決定專心做人妻，準備調理身體為莫家湊個家庭成員，所以月初已經同大台講拜拜啦！

林夏薇之前接受訪問時講過，因為連續幾部劇咁啱都撞咗要喺啲大時大節開工，搞到無機會陪老公過節，自己已經好內疚，加上早排撞車整親條頸同手臂麻痺，令到老公好擔心，所以決心休息養傷，咁就順理成章，調理身體，跟住全力「造人」。林夏薇接受周刊訪問，承認為咗家庭同生B，而下定決心離開TVB，月初約滿之後，決定唔再續約，不過佢就強調同TVB關係依然良好，特別感激自己嘅伯樂曾勵珍，一直以嚟對佢愛護有嘉。

林夏薇今日回覆《蘋果》，佢承認同無綫約滿兼話：「暫時將時間多啲安排在屋企同自己生意上，希望可以攞個平衡，學會取舍，我只是暫時不拍劇，因為時間比較難分配，其他工作都會繼續將行。希望調理好身體，家庭計劃行先，之後再重新出發。」

精選娛聞，喺晒《娛果》
http://fb.com/appledailyent