AKB48噚日喺日本岩手縣舉行握手，點知發生血案，兩名成員川榮李奈﹑入山杏奈以及一名工作人員，被一名狂迷斬傷，要立即送院救治。今日川榮同入山已經出院，不過右手手指就要打石膏。

AKB48握手會被指有保安漏洞後，今日AKB集團所屬公司立即補鑊，其師妹組合NMB48位於大阪嘅劇場，今晚如常舉行演出，而保安亦明顯加強，入場粉絲放喺儲物櫃嘅袋，要進行檢查，職員更以機場使用嘅手提式金屬探測器，檢查入場嘅粉絲。