回歸20周年，對年青人而言，感覺未必太深，因為97回歸時，應該只是小孩一個，但對於中年甚至退休人士而言，20年的變化，可以有好深感受，

於90年代尾移民了美國的歐先生，年近80，近年來每一年都會返香港一次，當「返來行下」，見下親朋好友。他坦言，其實97同現時都講不上好，樓價睇個勢，都會爆，有機會跌兩、三成，都唔出奇，因為實在高得太犀利，他在美國紐約，二、三十萬美金，已經買到一間千呎大單位。

而且當下遇上加息，加上他認為林鄭上任，或有可能會「起多些公屋、居屋」，未必會再賣太多地畀「地產惡霸」。

他又認為，政府的確應該找多些地皮起樓，就好似粉嶺高爾夫球場，根本應該用來起樓，不應該用來招待嗰一千幾百個會員，「要打高爾夫，周圍都有得打啦!」

另一中年太太梁太認為，回歸20周年，樓價一個字講哂，貴！樓價的確有機會爆，「十年河東，十年河西」，此乃定律，而且外圍經濟環境都不是太好，所以樓價一定有機會跌返。對於香港經濟環境，好認為是是「越無錢的，就越水深火熱、越有錢的就越有」，即是覺得貧富懸殊嚴重。

記者：黃嘉銘

掌握財經生活資訊，即Like「蘋果ATM」fb專頁啦！
http://fb.com/appledailyatm