韓國人氣男團Wanna One現時喺韓國人氣爆晒燈，當中今日韓國傳媒就報道，成員姜丹尼爾因為患咗重感冒而無法會合隊友現身今日嘅簽名會活動。

據了解姜丹尼爾來到活動現場時，因為感冒問題，為免影響活動，原本姜丹尼爾想到醫院打完針後就繼續活動，但因為病情仲未好轉，加上高燒一直唔退，仲失晒聲，就連走路都有困難，所以公司即安排佢喺醫院接受治療及休養。

而姜丹尼爾所屬嘅事務所就指今日早上姜丹尼爾因為出現嚴重嘅頭暈同埋高燒等症狀，所以就到醫院接受治療，由於狀況比較嚴重，所以佢才緊急取消咗現身今日嘅行程，之後幾日嘅行程亦都會作出調整，等姜丹尼爾得以集中專注休息。

不過姜丹尼爾真係好錫粉絲，為免令粉絲失望，佢今日即使病到死死吓，佢都死撐現身，見佢個樣仲真係好病吓，睇嚟佢真係要好好保重身體。

更多韓流，喺晒《娛果》
http://fb.com/appledailyent