當年今日
關於我們

【重操故業?】孖拳王籌備重量級比賽 陳惠敏:幫手俾吓意見

蘋果日報 2018/09/27 00:00

美韋達陳惠敏自由搏擊

現年74歲嘅陳惠敏自小習武,喺70年代曾贏過兩屆自由搏擊冠軍,亦試過喺擂台上只係用咗39秒就輕鬆KO日本拳手,一度號稱打遍東南亞無敵手。惠敏哥o依家當然唔會再上擂台,但佢對拳賽嘅熱情不死,最近就打算喺香港積極籌備一場重量級拳場,主角就係美國不敗拳王美韋達(Floyd Mayweather)。
美韋達去年同愛爾蘭「寸嘴格鬥王」麥基格(Conor McGregor)打完一場世紀對決後,就四出宣傳佢嘅個人品牌「TMT」,繼中國同日本後,日前美韋達就應陳惠敏同尹國駒邀請,嚟到香港同澳門考察,有意喺今年底至明年初舉行重量級拳賽,對手有機會是菲律賓拳王柏奎奧(Manny Pacquiao),同時討論喺香港成立「TMT」中國區總公司事宜,並會由惠敏哥和駒哥旗下公司股東游恩杰出任CEO。
惠敏哥接受《蘋果》訪問就話:「拳王今次嚟香港主要係考察,因為我以前都係打西洋拳,所以就幫手俾吓意見,我同佢講香港近十幾年都無好大型嘅西洋拳比賽,其實香港人都好鍾意睇西洋拳節奏快,所以佢都好有意搞一場東南亞巡迴賽,不過依家都係初步傾,如果成事好快會公佈。」事實上,美韋達喺9月中旬已落實於日本東京成立「TMT Asia」,同樣由惠敏哥幫手穿針引線,今次香港行除考察外,又抽空到大嶼山參觀天壇大佛。
精選娛聞,喺晒《娛果》
http://fb.com/appledailyent
empty
惠敏哥同拳王飯局,俾吓意見咁話。
empty
惠敏哥後生嗰陣好鍾意打拳。(資料圖片)