日本女星中山美穗已經移民法國多年，居於巴黎嘅佢，喺巴黎發生連環恐襲之後，佢透過經理人表示，自己因為工作關係，近日已經返咗日本，所以平安無事。至於中山美穗前夫著名作家兼音樂人辻仁成，亦同樣表示因為工作關係，返咗日本，不過，佢同美穗個囝囝就留咗喺巴黎，辻仁成話好彩阿仔身處地點距離恐襲好遠，所以並冇事。

而美穗現任男友音樂人澀谷慶一郎，亦係居於巴黎，佢喺Twitter留言表示自己事發現身處其中一個恐襲現場只有五分鐘距離，幸好佢都冇事，不過，由於外面可能有危險，所以只能留喺身處嘅錄音室，佢喺Instagram仲上載咗一張相，就保安因為安全理由，叫佢哋熄晒所有燈，相中只有街外燈光照入室內。