形象一向清純嘅台灣女星陳喬恩，日前同朋友喺餐廳食飯時，被發現抽煙，而且吸煙手勢純熟自然，應該做咗煙民一段時間。

見到頭戴冷帽、身穿衛衣嘅陳喬恩，喺飯局中冇乜避忌，而且枱上仲放埋紅酒及餐酒，一個成年人同朋友食飯摸下酒杯底，食兩支煙都唔出奇，不過有網民就持唔同意見，有網民指喬恩吸煙會毁佢清純形象，亦有網民客觀咁話：「如果世界上嘅清純只係用抽煙嚟判斷，咁實在太幼稚了。」

無論陳喬恩係唔係長期煙民，相信佢下次都會小心處理，免得影響形象之餘，又被廣告商詐型啦﹗