韓國男團Super Junior(SJ)今年11月就出道12周年，由於強仁及晟敏先後因涉酒駕、遭粉絲抵制，所以SJ將會以七人形式回歸，當中包括神童、希澈、東海、銀赫、利特、藝聲同崔始源，強仁同晟敏冇份，而厲旭及圭賢就因當兵所以就唔會參與。

之前SJ嘅七位成員神童、希澈、東海、銀赫、利特、藝聲同始源已合體聚餐，不過就冇叫埋強仁同晟敏，但佢哋感情一向好好，噚日亦相約出來敍舊，今次仲終於有強仁份，當中藝聲噚日就公開咗成員私下聚餐照片，當中包括始源、銀赫、東海及強仁，又留言「好久不見」，唔知係唔係好耐都冇見強仁呢？