日本經典二人組合「叉雞」CHAGE&ASKA成員ASKA今早因為涉嫌藏毒被捕之後，喺日本引起好大迴響，喺「叉雞」嘅Facebook入面有好多粉絲留言，紛紛話事件難以置信、受到好大打擊，甚至有粉絲話ASKA令佢哋好失望等等。而ASKA嘅35年老拍檔CHAGE今日下午就喺官方網頁發表聲明，表示因為ASKA被捕嘅事，令佢感到非常可惜，由於事出太過突然，令佢腦袋一片混亂，CHAGE又話對於ASKA令粉絲同埋工作人員擔心，感到十分抱歉，更向粉絲同埋工作人員道歉。

而ASKA嘅所屬事務所亦同樣發聲明為ASKA向粉絲等人致最深切歉意，又話事件仍喺調查中，今後事務所作出任何行動，都會向外界交待。