比利時國腳費蘭尼同曼聯喺明年夏天就約滿，近一個月傳佢可能會去土超搵食，而且根據合約條款，佢明年一月就可以同其他球會自由傾轉會。紅魔驚到時冇錢收，喺呢幾日準備盡最大努力挽留，據《太陽報》講，佢哋準備出15萬鎊周薪留人，比家陣佢份人工多3萬。

不過，九月嗰陣，紅魔曾經提供一紙新約畀佢，佢就推咗。雖然紅魔領隊摩連奴都幾愛錫呢位中場，但經常只當plan B咁用，所以費蘭尼本人都想多啲正選踢，就算高薪亦未必留得住佢。除咗土超嘅比錫達斯，巴黎聖日耳門同羅馬亦有意招攬爆炸頭。

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM