新戲《出貓特攻隊》打破咗泰國賣座電影《人妖打排球》於2000年創下嘅香港票房紀錄，早前戲中三位主角「賓爺」Non、「劉蓮」Aokbab及「柏豪」James齊到港宣傳及出席活動。戲中另一位人氣演員，21歲飾演「明詩」嘅依莎亞賀素雲（Oom）噚晚亦從泰國飛抵香港，大約晚上八時正，身穿黑Tee白裙嘅Oom步出機場，見到現埸約十名傳媒，佢即展現甜笑，並接過主辦高層鮮花，當聽到「Welcome to Hong Kong」後，佢即答謝講「Thank You」。今日「明詩」會以「Live More 新星」身份出席「星展銀行Live More SnapTag 活動」。而「明詩」之前被封「泰版朱千雪」，今日大會就會安排佢跟朱千雪一齊出席活動，唔知佢哋係咪真係咁似樣呢！？