游學修、董嘉儀、潘杰寧今日喺銅鑼灣fashion walk 出席世界盃嘉年華活動， Lulu今日著住普通運動衫現身，佢話：「一向被人譽為燈神，今年支持德國隊覺得好有機會攞到冠軍，但係呢個月都唔敢著波衫出街，驚畀人鬧。」游學修係阿根廷球迷，雖然今年陣容弱，但佢係美斯球迷，會誓死追隨，仲話：「以前啱啱成年去馬會開戶口買波，買百零蚊，大過咗就冇，但係有時挑起條筋都想買一啲自己唔支持隊伍，睇下會唔會有安慰獎收，曾經都贏過少少。」

問到佢哋兩人會唔會同另一半睇波？Lulu話話會成班人一齊睇，遊學修就話：「同屋企人睇，因為以前細個同老竇一齊睇波，依家可以父子enjoy。」稍後佢會開拍viuTv《詭探前傳》。

另外民主前線發言人梁天琦在旺角騷亂案件被判入獄六年，游學修曾經都支持雨傘運動，佢話：「唔回應，今日係代表品牌活動，唔好令我難做。」

精選娛聞，喺晒《娛果》
http://fb.com/appledailyent